قصه عشق عيون بقلم رنا

بسعاده وعشق_ايه الصباح العسل ده صباح الفل يا روحي.
عيون بابتسامه_صباح الفل يا نور عيني قوم بقا كفايه نوم .
ايان  تصدقي اول مره انام كده من سنين انتي رجعتيلي الفرحه والسعاده اللي كنت خلاص نسيتهم يا عيون .
عيون بابتسامه وعشق _ ده خلاص هيبقى نظام حياتنا يا ايان مش هعمل حاجه في حياتي غير اني اسعدك وبس لانك تستاهل سعاده الدنيا كلها .

ايان وهو يقبل يدها بحنان _ تسلمي يا روحي بس ممكن افهم ليه التغير السريع ده وبصراحه .
عيون بابتسامه_ بصراحه بصراحه انا قريت مذكراتك بس والله العظيم كان ڠصب عني وشوفت انت قد ايه تعبت واتوجعت من كل اللي حواليك علشان كده وحياتك عندي لعوضك واخليك عايش في سعاده على طول .
ايان بخبث ومكر _ اه شفقه يعني.
عيون سريعا بابتسامه _لا والله العظيم ينقطع لساني ده حب والله العظيم بحبك.
ايان وهو يخطفها  _ سبيني بقا ارد عليكي بطريقتي الخاصة..
في شقه وعد وعيون كانت تجلس وعد بابتسامه خبيثه تزين وجهها وهي تتخيل القادم وما يحمل لها من غناء وثراء .
ثنيه بابتسامه_ وعد يا بنتي قومي علشان نروح لاختك .
وعد بغيظ شديد_انا مش هروح لحد ومش فاضيه للكلام الفاضي ده بس لما تشوفيها قوليها وعد هتبقي احسن منك وهتقب علي وش الدنيا واللي اخدتيها منها هتعرف تعوضه بالاحسن .
في شقه شريف..كان يجلس محمود بحزن شديد وهو ينظر إلي ذلك الملاك الغافي بهدؤء.
شريف بابتسامه _ ايه يا حاج شكلك اتعلقت بسندس اوي.
محمود بحزن شديد _ حزين عليها اوي يا شريف نفسي اشوف ابوها ده واشفي غليلي منه ده مستحيل يكون اب ده شيطان .
شريف بحزن _عندك حق يا بابا فيه حد يبقا ربنا كارمه بملاك ده ويعمل فيها كده المهم هدخل انا يا بابا اجهز الغداء .
سندس وهي تنظر إليهم ببراءه واطمئنان _صباح الخير يا عمو صباح الخير يا جدو .
محمود صباح الفل يا قلب جدو .
شريف بابتسامه_ طيب يا عم اسيبك مع حبيبتك واروح انا احضر الغداء .
سندس بابتسامه وهي تمسك يده _انا ممكن اساعدك انا شاطره اوي اوي .
شريف وهو يمسك يدها بحنان_تعالي يا روحي .
محمود بتنهيده عاليه_ربنا يكرمك يا ضنايا ويسعدك .
في شقه احمد .كان يجلس احمد وجلال و سما وهم يخططون للقادم .
احمد وهو ينفخ سيجاره_تمام يا باشا انا كده فهمت ايه المطلوب انتوا هتسافروا والخزنه بكل اللي فيها هيتسرق واللي هيدخل يختار الوقت المناسب اللي ايان الحديدي مش موجود فيه ويخلص علي مراته وتبان حاډثه سرقه وانتم طبعا بحكم انك مسافرين هتكونوا بعاد عن الصوره مش كده .
جلال بحده_كده بالظبط كويس انك فهمت .
سما بابتسامه _احمد هو الكل في الكل يا بابا وهو اللي كان مخطط لكده اصلا هو ممكن يعمل اي حاجه علشاني .
احمد بجشع وطمع _تمام يا باشا بس مش هاخد أقل مليون جنيه في الليله دي كلها.
جلال پغضب _نعم يا اخويا مليون عفريت لما يعفرتوك لا طبعا هما 200 الف جنيه وتبوس ايدك وش وضهر احسالك متلعبش معايا انت متعرفش انا مين .
احمد پحده _عارف سعادتك وعارف انكم أغنياء اوي ومبلغ زي ده ميجيش حاجه في اللي عندكم ده قتل يعني مش هزار ده حبل مشنقه .
جلال پغضب شديد_هو ده اللي عندي عجبك عجبك مش عجبك نشوف غيرك .
سما بخبث ومكر وهي تغمز لوالدها_جرا ايه يا حودوا هو ده اتفاقنا ده احنا مصلحه واحده يا روحي البنت دي لازم نخلص منها قبل ما تجيب حته عيل ميسواش ياخد فلوس ايان اللي انا وانت هنتمتع بيها يا روحي .
احمد بجديه_تمام يا باشا مش هنختلف بكره إن شاء الله هنتقتابل هنا برضه علشان نتفق علي كل التفاصيل ..

ايان بابتسامه وسعاده_جهزي نفسك علشان هنخرج نتعشا