قصه ام احمد وام جرجس
قصه أم أحمد وأم جرجس
قصة لها العجب
تقول مافيش في البيت غير خمسة جنية
حطتها على الترابيزة
اكمل بيها علي اي حاجه عشان افطر بيها أنا وابني احمد
وقالت ام احمد هروح الفجر أشتري بيها عيش
وإن كان على الأكل يبقي ندبرها بأي حاجة
أنا عندي شوية بطاطس في البيت
وفيما هى تقلب الأمور في رأسها
سمعت حد بيخبط على الباب
فتحت الباب لقت جارتها
ام جرجس بتقولها
البيت مافيهوش ولا قرش
ألاقي معاكي خمسة جنية سلف
وبدون تردد
قالت ام احمد لجارتها
أيوة في يا حبيبتي
لحظة واحدة أجيبهالك
ودخلت جابت الخمسة جنية بتاعة العيش وإديتها لجارتها
ولما قفلت الباب
احمد إبنها قال لها
أيه يا امي إللي عملتيه ده
أنتي إديتي لجارتنا أم جرجس الخمسة جنية
بتاعة العيش الي هنفطر عليه 😰
طبعاً يا ابني
ماهى طلبتها وبتقول مافيش في البيت ولا قرش
طيب ما احنا برضوا مافيش في بيتنا ولا قرش
أحنا ربنا هيدبرهالنا وهيبعتلنا خمسة جنية غيرها
لكن هى لجأت لينا وخبطت على بابنا ومكانش ينفع نقولها مافيش
طيب هيدبرها إزاي يا أمي
ده الدنيا خلاص ليل واحنا في قرية
وأنتي بتروحي الساعة ستة الصبح تجيبي العيش
يبقا الفلوس هتيجي إزاي بس
ماتخافش يابني ربنا هيبعت
نامت السيدة مطمئنة ومتوكلة على الله تماماً
وصحيت الساعة الخامسة صباحاً
وقالت صليت
وقولت لربنا مافيش عيش في البيت خالص
وكمان مافيش فلوس وأنا قلت لابني ان ربنا هيدبرها
وأنا بروح الفرن الساعة ستة الصبح
ودلوقتي الساعة خمسة
بتقول
أنا قعدت أكلم ربنا وأقوله ارزقنى فلوس العيش
والساعة ستة بالظبط لقيت الباب بيخبط
ولقيت جارة مابتجيش عندي خالص
وخاصة في ساعة بدري زي كدة
وبتقولي سامحيني يا حبيبتي أنا نسيتك خالص
سألتها نسيتني إزاي
قالت
لي أصل بنتي إللي في أمريكا ربنا رزقها بطفل
وأنتي عارفة انها مكانتش بتخلف
وقالت لي من شهر فات
وزعي خمسين جنية على كل أرملة في البلد
وأنا وزعت على الكل ونسيتك أنتي
وإمبارح بليل ربنا فكرني بيكي
فقلت لازم أجيلك الصبح وإدهالك
سامحيني يا حبيبتي وخدي الخمسين جنية دي
وكيلو لحم وفواكه لان بنتي بتحبك ووصتني بيكي اووي
دخلت السيدة وأغلقت الباب ووقفت ونظرت الي السماء
وقالت
أنا قولت لابني انك هتدبرها
ومن يتقي الله يجعل له مخرجا ويرزقه من حيث لا يحتسب
لا تقرا وترحل أترك أثر
لو بتحب القراءه و القصص والروايات
أدخل حسابي واعمل متابعه ليصلك كل ما هو جديد من عالم القصص كل ما عليك عمل متابعه لصفحتي قصص وروايات هند حمدي 🌹🌹
