قصه عزوز وأخوه الفقير

عزوز رجل فقير وأخوه عطيه مبسوط اوي .. في يوم قالت له زوجته لا تتكبر واذهب لاخوك يمكن يساعدك بمبلغ من المال فعلا راح لأخوه المبسوط وقال له انا حالتي المادية سيئة جدا اليومين دول ومحتاج مساعدتك ..
رد عليه اخوه وقال له اوكي .. مر علي بكره بالمكتب ويكون خير .. راح للمكتب ورحب بيه وقال له اقعد وصوتك مسمعوش نهائي .. وخليك ساكت وانا بس إللي اتكلم .. 
قال له عزوز حاضر ..
قام المبسوط عطيه واتصل على أحد المقاولين الكبار .. وقال له المناقصة اللي وعدتك بها للأسف رست على مقاول ثاني !!!! .. رد المقاول وقاله ازاي يا عطيه بيه !!! .. انت وعدتني بها وانا مرتب نفسي عليها .. قال المبسوط اوي طيب ماشي .. من حظك ان المقاول اللي رست عليه المناقصة موجود عندي بالمكتب .. تعالى وتفاهم معه يمكن يتنازل لك عنها .. وصل المقاول وقال لعزوز عايز كام وتتنازل عن المناقصه لاني محتاجها جدا ... عزوز قاعد مثل الأطرش بالزفة . ومش فاهم حاجة رد عليه المبسوط وقال اعطيه 3 مليون جنيه ويسبها لك .. طلع المقاول 3 مليون وحطهم على المكتب وقرأوا الفاتحة وخرج !!! .. فأخذ عطية المبسوط مليون جنيه واعطى اخوه عزوز 2 مليون .. 
عزوز الفقير رجع للبيت سألته زوجته خير طمني عملت ايه .. 
قال لها اخويا سرق مني مليون جنيه عيني عينك كده !! ... والله ما انا مسامحه ليوم الدين . 
إذا عجبتكم القصة اذكر الله وصل على سيدنا محمد صل الله عليه وسلم