بعد شهرين على زواجه.. محمود عامر يكشف ماحدث وينهار على الهواء!

عاد اسم الفنان محمود عامر لصدارة التريند مجدداً في اول لقاء تلفزيوني له بعد عشرة ايام من زواجه.

محمود عامر لم يتحمل أثناء حديثه عن أولاده وانهار على الهواء، بعد ابتعادهم عنه بعد انتشار خبر زواجه.

وخلال لقائه في برنامج "قعدة ستات" من تقديم مروة صبري عبر قناة "اليوم" لم يتمالك محمود عامر دموعه وبكى قائلا: "بقالي 3 أيام بكلم أولادي ومحدش بيرد، صعب عليا نفسي أنا معملتش حاجة غلط".

وتابع محمود عامر: "أنا كنت في ضياع وربنا رزقني بإنسانة رجعتني للدنيا، أشيلها على دماغي من فوق ربنا يرزقني بكل جميل أوفره لها لأنها تستحق ده، أنا فجأة لقيت نفسي وحيد، هي كانت داعم لولاها من بعد ربنا أنا كنت ضيعت، أنا جالي سكر عرضي ودخلت في فيلم غريب جدا وبرضو بفضل الله سبحانه وتعالى وبفضل وجودها معايا السكر العرضي راح".

ووجه محمود عامر رسالة إلى أولاده خلال البرنامج وقال: ""متزعلوش مني لو اللي حصل ضايقكم بس أنتوا أقرب ناس وعايشين معايا وعارفين أنا كنت إيه أوعوا تنسوني".

وتابع محمود عامر متأثرا: "أقول لإبراهيم ابني مدير التصوير ربنا يكرمك ويرزقك ببنت الحلال اللي تسعدك، محمد حبيبي في رابعة مونتاج معهد سينما نجم جميل أنا واثق تمام الثقة إنك هتقف على رجليك وهتشرف كل العيلة، بنوتي بنت عمري أميرة ربنا يبارك في عمرك وأشوفك مطربة وملحنة قد الدنيا".

وكان محمود عامر تصدر التريند خلال الأيام الماضية بعد زواجه وهو في عمر 68 عاما من فتاة تصغره عمرا.