حقد زوجي

((حقد زوجي ))
متزوج من ١٤ سنه عندي اولاد وبنات ولله الحمد اعمل مدير مستشفى وزوجتي لا تعمل شهادتها ثانوي مستواي عالي جدا احب التميز في كل شي.
تتميز في عملي في عايلتي حتى علا زوجتي ماحب تصير احسن مني في اي شي واذا تميزت بشي حطمتها وتعللت في عملها اللي سوته انها ماتعرف وتجهل فنون الحياة وأنها زوجه عاديه وانها ممنونه لي باني رضيت فيها رغم مستواها .
حياتي مع زوجتي جافه ما اعطيها اي قيمه انظر لها شي واطي في حياتي وشي لابد من تغييره لأنها لا تناسبني ولا تناسب مستواي الفكري والمادي والعلمي .
كان بينا مشاكل في حياتنا دايم هي اللي تتنازل وتتغاضى لاني افرض نفسي عليها ڠصب عنها تعترف باني الأفضل رغم اني بصراحه من داخلي مقهور منها رغم مستواها ثانوي إلا أن الكل معجب بشخصيتها عندها كاريزما عجيبة في الأسلوب الراقي كلامها مثقف عالي جدا.

اهلي واخواني يحترمونها ويلجؤن لها بالاستشارات كلامها واقناعها حلو ومميز بس فيني قهر عڼيف منها كيف تكون تتكلم احسن مني وانا مدري كيف تكون تتعامل برقي وانا حتى أسلوب حلو زي اسلوبها ماعرف كثرت المشاكل بيننا آخر مشكله كانت نهاية حياتي معاها.
كنا في بيت العائلة متجمعين اهلي ونتناقش ونتحاور وكنت مقهور انها لما تتكلم الكل معجب بكلامها وقف من قمة قهري اصارخ عليها انتي انتي ما تعرفين شي هذي اللي مستانسين على كلامها عندي ولاشي بس كلام هاذي تحمد ربها اني خذيتها وامي كانت تحاول تسكتني .
وانا ازيد كنت ابغى اشوف انكسارها لكن للاسف رغم قسۏة كلامي بقت ساكته ماتكلمت ولا نزلت منها دمعها وبكل بساطه قامت وقالت اكرمكم الله ع الضيافه يا عمي وعمتي واخواني.
وطلعت من البيت لحالها انا استغربت ردة فعلها غير عن كل مرة تزعل وترد علي وووو راحت وخلت عيالها وراها رغم هذا ما برد غيضي قلت بروح البيت اكسر راسها ليش تحقرني وخذيت العيال وصلنا البيت طلعت الغرفه مالقيتها دورت بكل مكان مالقيتها اتصلت على جوالها ماترد اتصل مرات الخط مقفل زاد قهري .