قصة رائعة كامله

انى ما انفعهاش وابوها مش ها يوافق أنا فين وهما فين .... رفضت ووقفت جمبى ووقفت قدام ابوها واتجوزنا ڠصب عنهم .... ابوها اتقلب لعدوى لانه شاف انى خدت حاجه بتاعته مش من حقى وهى بنته..... وبدئت عدواته ليا فى أكل عيشى قررت انى اوصل بأى تمن اتلميت على الشله تانى وحطيت ايدى فى ايدهم .... وفهمتها انى بقلب عيشى من هنا ومن هنا ومش مستقر فى مكان .... كانت بتحبنى وانا خلفت بنتى هدير .... وفى مره سمعتنى وانا بتكلم مع واحد من إلا شغال معاهم ..... وبعدها عرفت كل حاجه ووقفت فى وشى وقالتلى انى انا كدا اتخليت عنها وعن بنتى لما أكلتهم حرام .... أستسماحتها تفضل وها ابطل الشغل دا 

وكان رأيها زى ما هانو عليا مره مش ها يفرق معايا فى المره التانيه ..... رجعت لأبوها وطلقها منى وسافرت فرنسا وبتربى بنتنا هنااااك تخيل ما اتجوزتش تانى .... ولما بقول لها ليه مفضلتش جمبى .... قالتلى كنت جمبك وانت الا سبتنا كان عندى أمل تسيبك من الشغل بتاعك وخليت بابا وعدنى انه يقف جمبك لو سيبتك من الشغل دا ..... بس انت كملت وبابا أكدلى كدا .... قولتلها ابوكى السبب حاربنى فى أكل عيشى ..... قالتلى لو الدنيا كلها حاربتك كان المفروض تبقى قوى وانا كنت ها أعيش معاااك لو ها ناكل عيش حاف بس بنتى متاكلش حرام ....
شريف ويعنى ازاى بتقابلها وتقبل منك فلوس وكدا 
هشام بتخلينى ازورهم عادى بس لا يمكن أصرف جنيه وبتستقبلنى هناك أحسن أستقبال وعندى استعداد ارمى كل دا ورا ضهرى وارجع لها بحبها لحد دلوقتى بس هى رافضه 
شريف حاول يمكن تصدقك يعنى انت ندمان 
هشام عيونه دمعت ندمان بس بعد ايه هو انت فاكر انى مبسوط ابدا انا عارف ان ربنا ها يقتص منى فى كل الا عملته وخاېف قوى يقعد فى بنتى او منى الاتنين أجمل من بعض يا شريف .... ها تبقى أحلى دكتوره وامها دى ست عظيمه تخيل لما تعرف انى جاى تنزل تجيب هدايا وحاجات بالكوم وتقابلنى فى المطار عشان اديها لبنتى وليها وتجيب كل حاجه صناعه مصريه عشان هدير ما تشكش فى حاجه .... وبردو عشان انا مجبش حاجه من فلوسى بدعى ربنا زى ما هى ما قبلتش قرش حرام يحفظهم ويحميهم 
شريف لسا عندك فرصه تصلح حاول تانى 
هشام شكلك أنت كمان ندمان 
شريف مش عايز عمرى يضيع بدئت أخاف وبعد حكياتك خفت أكتر 
هشام الناس دى الا بېخاف معاها يا شريف انت فاكر انى ما حاولتش انا زهقت يابنى ومفيش فايده 
شريف أكيد فى مخرج لو لسا مستعد لدا 
هشام ايدى على كتفك شكلك عايزنا نخلص بدرى بدرى 
شريف سبنى ادور الموضوع واشوف ها ينفع والا لاء 
هشام اى حاجه ها ترجعنى لبنتى ومراتى ها أعملها كدا كدا فلوسى من بعدى ملهاش اى قيمه وطلع تليفونه وفتح صور هو خافيها .... صور كتير مع مراته وبنته ... وبيوريهم لشريف 
شريف ماشاء الله ياباشا دى بنتك ودى كانت مراتك دا انت تسيب الدنيا كلها وتروح لهم الاتنين أحلى من بعض 
هشام نفسى يا

شريف و التليفون جامد وباين على وشه الصدق ...... اوعى تفتكر انى الراجل الكبير هنا يا شريف لا ابدا فى أكبر منى الا انا لحد دلوقتى تعاملى معاااه من بعيد لبعيد 
شريف معقول يا باشا بس عمرى ما سمعتك بتتكلم عنه 
هشام عشان ما ينفعش احنا متحاوطين وصعب قوى التوبه بس ها احاول 
شريف بحب ومن قلبه ربنا يستر ياباشا ويحلها من عنده .... وقرر يروح يبلغ التعلب .... لان هشام ها يساعدهم كتير قوى .... وبحكم شغله معاااه متاكد انه صادق معاااه 
مريم قاعده مع محمود وصفيه وبيلعبو مع ريناد وزياد ..... عمو انا لازم أنزل الشغل من بكرا 
صفيه يا حبيبتى عيالك صغيرين لسا شهرين ومهما أهتمينا بيهم محتاجين ك 
مريم انا ها اروح شغل البشمهندس أحمد بس ومش ها أهمل عيالى ابدا يا ماما وعلى الساعه اتنين بالكتير ها أكون موجوده 
محمود لو ها تقدرى يا مريم ما عنديش مانع ابدا وصفيه تاخد بالها منهم فى فترة الصبح وانا ها أكون معاها لان المعرض بنفتحه بعد الضهر 
مريم شكرا يابابا .... ومعلش ياماما ها اتقل عليكى 
صفيه دول نور عنيا ولاد الغالى وعلى قلبى زى العسل المهم اوعى الشغل ينسيكى ولادك و هم دول أغلى حاجه يا مريم 
مريم راحت عندها يا بخت حسن بحبك وعيطت جامد ...... وصفيه دموعها نزلت ڠصب عنها بتحاول تمسك نفسها ومش قادره ابدا ....
محمود هونى على نفسك يا حبيبتى يارب ترده سالم غانم 
صفيه بدموعها يارب ..... يارب ملناش غيرك والغالى ملوش غيرك انصفه وررجعه بالسلامه يارب 
مريم عيالها جامد وبدموعها الا مش عايزا تقف وبتقول .... بابا بطل كبير قوى وقريب قوى ها تتهنو الدافى 
صفيه مسكت